Súkkulaði-hafraklattar í ferðalagið

Á ferðalögum er gott að hafa eitthvað gott að grípa í á ferðinni og þá eru súkkulaði-hafraklattarnir einstaklega hentugir. Klattarnir eru mjúkir, sætir og seðjandi og henta ungum sem öldnum.

Uppskrift:

250 gr. mjúkt smjör

100 gr. sykur

160 gr. púðursykur

2 tsk vanillusykur

2 egg

190 gr hveiti

1 tsk matarsódi

1/2 tsk salt

230 gr. haframjöl

80 gr. kókosmjöl (má sleppa og setja meira haframjöl)

100 gr ljósir súkkulaðidropar

100 gr dökkir súkkulaðidropar

100 gr rúsínur – má sleppa en setja þá súkkulaði í staðin (má líka vera smartís fyrir ungu kynslóðina)

Aðferð:

1. Hitið ofn í 170 gráður með blæstri.
2. Þeytið vel saman smjöri, sykri, púðursykri og vanillusykri og bætið eggjunum út í einu í einu. Þeytið öllu svo vel saman.
3. Setjið þurrefnin saman í skál og blandið ásamt súkkulaðinu, kókos og rúsínum. Hellið út í smjörblönduna smátt og smátt á meðan þeytt er. Hrærið vel.
4. Skiptið deginu í kúlur, ca vel kúfuð matskeið, og setjið á bökunarpappír og inn í ofn. Bakið í 8-9 mínútur. Passið að baka kökurnar ekki of lengi því þær eiga að vera mjúkar. Leyfið kökunum að kólna á plötunni áður en þið takið þær af.

Og njótið svo með ykkar nánustu 😀

Góða ferð í sumar!